Semen Padang FC

Dari Wikipedia baso Minang, ensiklopedia bebas

Semen Padang FC

Namo lengkap	Semen Padang Football Club
Juluakan	Kabau Sirah (Kabau Merah)
Didirian	30 November 1980
Stadion	Stadion Agus Salim, Padang, Sumatera Barat, Indonesia (Kapasitas: 20.000)
Katuo Umum	Widodo Santoso
Sekretaris	Daconi
Bendaharo	Ampri Satyawan
Manejer	Asdian, ST
Pelatih	Jafri Sastra
Liga	Liga Prima Indonesia
Posisi 2011-12	Liga Prima, juaro
Kostum kandang Kostum tandang

Semen Padang Football Club (dahulu Persatuan Sepak Bola Semen Padang) adolah sabuah klub sepak bola nan dipunyoi dek PT Semen Padang nan merupokan parusahaan semen paliang tuo di Indonesia. Klub sepak bola iko, bakandang di Indarung, Padang, Sumatera Barat, nan mamainan patandiangan kandangnyo di Stadion Agus Salim.

Semen Padang FC nan kini bamain di Liga Prima Indonesia, divisi nan paliang tinggi di sepak bola Indonesia. Klub iko mamainan patandiangan kandangnyo di Stadion Agus Salim nan bakapasitas 20.000 panonton.

Sajarah

Maso-maso awal

Logo lamo Semen Padang

Semen Padang FC badiri pado tanggal 30 November 1980.^[1] Mangawali debut di kancah sepak bola Indonesia malalui Divisi 1 Galatama taun 1980. Pado taun 1982, SPFC barasil manjuarai Divisi 1 Galatama jo sakaligus promosi ka Divisi Utama Galatama.

Di musim 1994/1995, PSSI manggabuangan duo liga nan ada wakatu itu, yaitu Perserikatan jo Galatama. Panggabungan tasabuik mambantuak sabuah sistem liga nan baru di Indonesia banamo Liga Indonesia, SPFC mamanuahi syarek untuak manjadi salah satu dari 34 klub kontestan kasta tatinggi Divisi Utama Liga Indonesia (atau labiah populer disabuik Divisi Utama Ligina sajo).

Sajak awal 2000, SP mulai bangkik, tatapi gagal. Malaju ka semifinal LI 2002 jo status juaro Wilayah Barat, lalu dihantian Petrokimia Putra,^[2] Kabau Sirah baliak tapuruak. Tacataik, dari 2004 sampai 2007, SP indak pernah bisa manambuih 10 gadang.

Pada akhia LI 2007, SP finis ka-16 di LI Wilayah Barek, tu tadegradasi.

Divisi Utama

Pado taun 2008, PSSI mambentuk sabuah liga baru nan labiah profesional tu kastanyo diateh Divisi Utama Ligina, yaitu banamo Liga Super Indonesia (atau dikenal juo sabagai ISL). Sadonyo klub nan nio bakompetisi di ISL haruih barasa dari Divisi Utama Ligina, dan itupun juo malalui tahap verifikasi ulang.

Semen Padang indak lolos syarek verifikasi untuak balago di ISL, dek hanyo barasia menududuaki paringkek 16 di musim tarakhia Divisi Utama Liga Indonesia. Dek itulah Pasukan Urang Awak haruih tatap balaga di DU, nan wakatu itu alah manjadi kompetisi kasta keduo.

Semen Padang batahan duo musim di Divisi Utama. Pado musim 2009-10, dibawah pimpinan palatiah asal Moldova, Arcan Iurie, Kabau Sirah barasia promosi ka ISL untuak kali patamo,^[3] tu indak parnah lai tadegradasi sasudah itu.

ISL dan IPL: Duo musim di duo kompetisi babedo

Skuat Semen Padang marayoan gala juaro IPL

Dibawah asuahan mantan legenda inyo, Nil Maizar — kini palatiah tim nasional sepak bola Indonesia –, SP manduduaki paringkek ampek ISL 2010-11, sasudah sampek indak bara pakan menduduaki posisi keduo. Bahkan, sampek jadi juara paruah musim ISL 2010-2011.

Musim patamo di Liga Prima Indonesia, Semen Padang langsuang mandapek gala juaro liga usai mangalahan Persiba Bantul 1–0 di Bantul, wakatu kompetisi manyisokan indak bara pakan lai, dibawah pimpinan Suhatman Imam^[4] (nan menggantikan Nil Maizar nan ditunjuak manjadi palatiah Indonesia)^[5] Kabau Merah mainca double winners, tatapi langkah inyo dijagal Persibo Bojonegoro di final Piala Indonesia. SP kalah 0-1 jo haruih bapueh hati jo ciek gala di ciek musim.^[6]

Pado 10 Oktober 2012, manajemen Semen Padang mamastikan diri baliak ka Liga Super Indonesia musim salanjuiknyo, basamoPersijap Jepara.^[7] Namun pado akhia November, CEO Erizal Anwar mamutuihkan jiko Semen Padang tatap di Liga Prima,^[8]

Pado 19 Oktober 2012, manajemen rasmi manunjuak Jafri Sastra sabagai pelatiah kapala, menggantikan Suhatman Imam nan baliak ka posisi direktur teknik.^[9]

Stadion

Stadion Agus Salim, Padang

Semen Padang FC wakatu kini bakandang di Stadion Agus Salim nan punyo kapasitas 20.000 kursi. Stadion nan dibangun pado taun 1985 iko, juo merupokan kandang bagi klub PSP Padang dan Minangkabau FC.

Pada taun 2013 bisuak, manajemen Semen Padang FC barancano ka membangun Stadion Azwar Anas, home base baru nan bakapasitas 30.000 - 40.000 kursi.^[10]

Pendukung

The Kmer's (Kerbau Merah Suporter) merupokan juluakan bagi pandukuang Semen Padang FC. Namo ini dirasmikan pado tanggal 14 November 2001, dek pandukuang klub tasabuik.

Salain itu ado ciek lai kalompok suporter nan disabuik Spartacks (Suporter Padang dan Anak Rantau Cinta Kabau Sirah) nan badiri pado tanggal 18 Mei 2010. Keduo suporter kini saliang mandukaung panuh kapado tim kasayangannyo, walaupun bentrokan juo tajadi pado Mei 2011.^[11]

Prestasi

Dalam sajarah kaikutsaratoannyo dalam babagai kompetisi, prestasi tabaiak Semen Padang FC diraih pado taun 1992 wakatu tampia sabagai juaro Piala Galatama, jo pado taun 2011/2012 wakatu menjuaroi Liga Primer Indonesia.^[12] Di tingkek internasional, Semen Padang FC parnah mancapai babak parempat final Piala Winners Asia (1993-1994) sabalun akhianyo dihentikan oleh klub asal Jepang, Yokohama Marinos.^[13]

Prestasi	Jumlah	Tahun
Liga domestik
Liga Prima Indonesia: Juara	1	2011-12
Divisi Utama Galatama: Peringkat ke-3	1	1993-94
Liga Super Indonesia: Peringkat ke-4	1	2010-11
Kompetisi domestik
Piala Galatama: Juara	1	1992
Piala Indonesia: Runners-up	1	2012
Kompetisi regional
Piala Winners Asia: Perempat-final	1	1993-94

Sejarah

Nasional

Taun	Kompetisi	Prestasi
1992	Piala Galatama	Juara
1993-94	Galatama	Peringkat 3 Wilayah Barat
1994-95	Divisi Utama	Peringkat 5 Wilayah Barat
1995-96	Divisi Utama	Peringkat 9 Wilayah Barat
1996-97	Divisi Utama	Peringkat 7 Wilayah Barat
1997-98	Divisi Utama	Peringkat 9 Wilayah Barat (kompetisi tidak selesai)
1998-99	Divisi Utama	Peringkat 3 Grup A Babak 10 Besar
1999-00	Divisi Utama	Peringkat 6 Wilayah Barat
2001	Divisi Utama	Peringkat 7 Wilayah Barat
2002	Divisi Utama	Semifinal
2003	Divisi Utama	Peringkat 8
2004	Divisi Utama	Peringkat 15
2005	Divisi Utama	Peringkat 10 Wilayah Satu
2006	Divisi Utama	Peringkat 11 Wilayah Satu
2007	Divisi Utama	Peringkat 16 Wilayah Barat
2008-09	Divisi Utama	Peringkat 2
2009-10	Divisi Utama	Peringkat 3 Babak 8 Besar
2010-11	Liga Super	Peringkat 4
2011-12	Liga Primer Piala Indonesia	Juara Runners Up

Internasional

Tahun	Kompetisi	Prestasi
1993-94	Piala Winners Asia	Perempatfinal		dan 2013 Perdelapan final AFC Cup

Tim pelatih

Asal	Nama	Posisi
	Jafri Sastra	Pelatih kepala
	Delvi Adri	Asisten pelatih (teknis)
	Zulkarnaen Zakaria	Asisten pelatih (kiper)
	Irwansyah	Pelatih fisik
	dr. Masykur	Dokter tim
	Ronny J Suhatril	Media officer