KATA BIJAK

http://randiupdate.blogspot.com/2012/10/kata-bijak.html

pasambahan maurak selo

 ROMBONGAN   : MANOLAH KAKAK JAMYO AMBO, ADOPUN NIAT DENGAN      NAZAR NAN SAISI RUMAH NANGKO, KOK PINTAK LAI KA BULIEH, KOK KANDAK ALAH BALAKU, DIATEH ALAH DISIMPAN JO DO’A SARATO PATIHAH.

                                    BATTO HANYO LAI, DEK HARI ALAH BASARANG PATANG JUO, DEK RANTAU BASARANG JAUH JUO, KOK DUDUAK BARASO ALAH PANEK, KAMI SIJAMU KOK DUDUAK HANDAK MAURAK SELO SIMPUAH KOK TAGAK NAK MAANJAK LANGKAH, NAK DIBARI IZIN SI PANGKA.

SIPANGKA          :     ADOPUN PANITAHAN KAKAK TADI INDAK KATAULANG DEK AMBO, KOK IYO MAKAN ALAH KANYANG, MINUM KOK IYO ALAH SAJUK, ALAH MANYANANG DIHATI KAMI, KOK ADO NAN INDAK TALATAK PADO TAMPEKNYO MAAF JO RILA KAMI MINTAKAN, KOK BABALIK PULANG TAMPAKNYO ALAH KA BALAPEH DEK KAMI JO HATI NAN SUCI JO MUKO NAN JANIAH, SAMANTANG PUN BAITU NAN BAK PITUAH KAKAK JUO :

                                                            CINCIN PARMATO AKIK

                                                            DIBARI PARMATO NILAM

                                                            KOK INDAKLAH RUMAH NAN SAMPIK

                                                            DISIKO SAJOLAH KITO  BAMALAM

ROMBONGAN   :  KOK DEK IYO CINCIN PARMATO AKIK

         DI BARI PARMATO NILAM

         KAN DEK RUMAHLAH NAN KACIAK

                                 ITULAH DEK KAMI NAN BAJALAN

                     SANBIA TAGAK SAJO KAMI MAURAK SELO JO SIMPUAH

         ASSALAMUALAIKUM. W. W

SEKIAN

( BUNDO KANDUANG SUKU PILIANG SUNGAI RUMBAI )

Randiupdate.blogspot.com

pasambahan manyuruah makan bundo kandung suku piliang sungai rumbai

SIPANGKA           : MANOLAH BUNDO ROMBONGAN MARAPULAI !

                                  IYOLAH DEK BUNDO NAN TABANG SABONDONG NAN BAJALAN SATAMPUAH

                                  ADO JUO LAI NAN TATAGAK TATAGUN DIHALAMAN, NAN SINGGAH

  KA SURAU JO MUSAJIK NAN PATUIK KITO NANTI

ROMBONGAN     : MANOLAH KAKAK JONYO AMBO, .................. BANTANGAN PANITAHAN KAKAK

                                  CAKO, TANTANGAN ROMBONGAN KAMI NAN DATANG, ALAH DILAYANG

                                  KAN PANDANG JAUH, ALAH KAMI TUKIKAN PANDANGAN DAKEK,

                                                           

                                    BATANG PADI AMBIAK KA PUPUIK

PUPUIK ANAK RAJO CINO

KOK DEK KAMI ALAH DIBILANG CUKUIK

DEK KAKAK ALAH BAK MANO PULO

SIPANGKA       : SATALAH KAMI LIEK KAMI PANDANGI PULO, ALAH KAMI TANYO, KAMI  SIASEK, YOLAH BAK PAPATAH JUO MANGATOKAN :

                                               

                                                BATANG PADI AMBIAK KA PUPUIK

PUPUIK ANAK URANG KOTO SALAK

KALAU DEK KAKAK ALAH DI BILANG CUKUIK

KOK DEK KAMI ALAH PANUAH SASAK

                                  MANOLAH KAKAK JANYO KAMI, KOK .............................................................................

                                  KOK DI PADANG ALAH ELOK RUPO, GABAK DIHULU TANDO KAHUJAN

                                  CEWANG DILANGIK TANDO KA PANEH, BAISAYARAIK BIDAL MANGATOKAN :

                               

                                                SIPASAN BADAKAK-DAKAK

MAMANJEK KA ATEH ATOK

SIKAWAL DILANDO KUDO

           

HIDANGAN KOK ALAH LAMO TALATAK

PARENAI AIE NASI SANTOK

KAMI KAMI ALAH DIDALAM ITU PULO

ROMBONGAN     : SAPANJANG PANITAHAN KAKAK, DEK DUDUK SURANG BASAMPIAK-SAMPIK,

                                  DUDUK BASAMO BALAPANG-LAPANG, KAMI BAO SAIYO SABANTA DAHULU

  MANANTI KAKAK SAKUTIKO

               

SIPANGKA           : IYO KAMI MANANTI, TAPI JAANLAH LAMO BANA

ROMBONGAN      : MANOLAH KAKAK JANYO AMBO, SATANTANGAN PANITAHAN KAKAK TADI

                                    IYOLAH BAK PAPATAH JUO MANGATOKAN :

                                                ANAK RAJO DI PULAU PUNJUNG

NAN ..... KA AIR AMO

LEREK LALU KA SINYAMU

                                               

                                                KOK TITAH KAMI JUJUNG

                                                KOK KASIAH KAMI TARIMO

                                                DEK KAMI SI JAMU 

pasambahan manyuruah marapulai masuak rumah

ROMBONGAN          :             ASSALAMUALIKUM W.W

SIPANGKA                :             WALAIKUMSALAM W.W

ROMBONGAN          :            LAI BATALANG TUMBUAH DI SAWAH

                                                  TALANG SARUMPUN JO BINGKUDU
                                                  LAI BAURANG DI ATEH  RUMAH
                                                  MALU KAMI NAIK DAHULU

SIPANGKA                :            CUBADAK DITANGAH HALAMAN
                                                  DIJULUAK DIAMPU KAMI
                                                  USAH LAMO TAGAK DIHALAMAN
                                                  JANJANG LAH LAMO HANDAK DINAIKI

ROMBONGAN          :           SAGI TIGO BATANG SIANIK
                                                 TUMBUAH SARUMPUN JO BATANG PADI
                                                 BARI IZIN KAMI KANAIK
                                                 JANJANG DITINGKEK BANDUA KADILANGKAHI

SIPANGKA                :           BAJALAN MANAPI-NAPI
                                                 JALAN DITANGAH ALAN MATI
                                                 KOK JANJANG KADINAIKI
                                                 BANDUA NAN USAH DI LONGKAHI

ROMBONGAN          :          DAGUAH DAGA BUNI PADATI

                                                KABAU BAJALAN DI ATEH BATU

                                                BANDUA KOK DAK BULIAH DILANGKAHI

                                                TOLONG LAH ALIAH ADOKNYO PINTU

SIPANGKA                :          URANG PADANG MAMBALI BANANG

                                                DIPUNTA-PUNTA DILIPEK

                                                KOK DIRANTAU NAMUAHNYO PANJANG

                                                ELOK DIKUMPUA NAN NYO SINGKEK

                                                ANAK URANG DI KOTO PULAI

                                                PAI KA PASA BAJALAN KAKI

                                                NAIKLAH ROMBONGAN  SARATO MARAPULAI

                                                KAMI LAH LAMO DEK MANANTI

 randiupdate.blogspot.com